Albisteak

Mondragon Unibertsitateak María de Guzmán laguntza jaso du DialnetCRIS bitartez ikerketa web atari bat sortzeko

Bibliotekak aurkeztutako proiektuaren helburua, Mondragon Unibertsitatearen Ikerketa Ataria garatzeko, DialnetCRIS sistema ezartzea da. Horren helburua unibertsitateko ikerketa-jardueraren emaitzak jasotzea eta ikusaraztea da

---

Mondragon Unibertsitateak Zientzia eta Teknologiarako Espainiako Fundazioaren (FECYT) María de Guzman laguntza jaso du bikaintasuneko ikerketa zientifikoaren sustapena hobetzeko, 2. jarduera-ildoan: Zientzia irekian eta elkarreragingarritasuna azpiegitura digital instituzionaletan. 2.2 modalitatea: curriculuma kudeatzeko sistema instituzionalak (2020-2021 deialdia).

María de Guzman laguntzen helburua bikaintasuneko ikerketa zientifikoa eta garapena nahiz berrikuntza teknologikoa sustatzea da. Laguntza honen helburua informazio zientifikoko azpiegitura digital instituzionalen gaikuntza teknologikoa, kalitatea eta elkarreragingarritasuna hobetzea da. Azpiegitura digital horiek, zientzia irekian egiteko beharrezkoak izanik, ikerketa-emaitzak hedatu, biltegiratu, zaindu eta kudeatzen dituzte, hala nola gordailu instituzionalak, curriculum-informazioa kudeatzeko sistemak edo ikerketa instituzionalak kudeatzeko sistemak (CRIS, ingelesezko siglak), Current Research Information System eta aldizkari zientifikoak editatzeko ardura duten argitalpen instituzionalen zerbitzuak.

Mondragon Unibertsitateko bibliotekak aurkeztutako proiektuaren helburua, Mondragon Unibertsitatean Zientzia Irekiaren garapena sustatzea eta indartzea da, unibertsitateko ikerketa-jardueren emaitzak bildu eta ikusaraziko dituen ikerketa-atari bat garatuz.

Proiektua garatzeko lankidetza-hitzarmena sinatu dute Errioxako Unibertsitateak, Dialnet Fundazioak eta Mondragon Unibertsitateak.

Mondragon Unibertsitateko Bibliotekak 2024ko martxoan amaituko den proiektua garatuko du.