Instalazioak eta zerbitzu orokorrak
Instalazioak eta baliabideak
Eskoriatzako campusa
Hezkuntza-eredu berriari erantzuteko, punta-puntako baliabideak ditugu Eskoriatzako campusean. 2020an berritu genuen campusa, bertan, bi eraikin izango dituzu eskura, bata historikoa, XVII. mendean eraikia, eta bestea, Dorleta eraikina, erabat berritua, hezkuntza eta ikaskuntza eredu berrietara egokitzeko. Eskoriatzako campusean gainera, kokatuta dago Hezkuntza Berrikuntzarako KoLaborategia.
Gelak, tailerrak eta egokitutako ekipamendua
Humanitate eta Hezkuntza Zientzien Fakultatean espazio eta instalazio egokituak daude, baita ekipamendu teknologiko aurreratua ere, ikasleek ikasgelan ikasitakoa praktikan jartzeko, ikertzeko eta esperimentatzeko aukera izan dezaten.
Hauek dira Mondragon Unibertsitateak Eskoriatzan duen campusean aurkituko dituzun baliabideetako batzuk:
Hezkuntza Berrikuntzarako KoLaborategia
Hezkuntza berrikuntzari buruzko ezagutza ikertzeko, esperimentatzeko eta partekatzeko prestatua.
Espazio zabalak
Sormena sustatzeko eta talde-lana errazteko diseinatuak.
Biblioteka
Zure prestakuntzarako ezinbestekoak diren argitalpen garrantzitsu eta interesgarrienekin.
Maker gunea
Punta-puntako teknologia du bertan proiektu eta lanak egin ahal izateko.
Psikomotrizitate gela
Haurraren garapen psikomotorraren gakoak ezagutzen ikasteko materialarekin.
Baliabide informatikoak
Azken belaunaldiko ordenagailuekin eta proiektu digitalak garatzeko gailu digitalekin.
Aretxabaletako campusa
2013an inauguratua, komunikazioa eta ikus-entzunezkoekin lotutako gaiak jorratzen dira bertan. Instalazioak hornituta daude programa formatiboak modu praktikoan eman ahal izateko. Hiru solairuko eraikina da, 2.700 metro karratuko azalera erabilgarria duena. Aretxabaletako campusak, besteak beste, honako baliabide hauek eskaintzen ditu: zortzi edizio gela, irrati estudioa, platoa, errealizazio gela, ordenagailu gelak eta ekitaldi aretoa. Gainera, ikasleek mailegu-zerbitzua dute eskura, puntako tresnak eta materialak dituena, hala nola bideo- eta argazki-kamerak, mikrofonoak, fokuak, grabagailuak, tabletak eta ikus-entzunezkoak editatzeko programa informatiko eguneratuak.
Aretxabaletako campusa: 360 º-ko bisita birtuala
Bilbao AS Fabrik campusa
Zorrotzaurren, Bilbon, dagoen campusa. Bertan, Mondragon Unibertsitateak ezagutza arlo ezberdinetako graduak eta masterrak eskaintzen ditu. Espazio honen helburua da, prestakuntza hutsaz gain, tokiko enpresen lehiakortasuna hobetzea eta sendotzea Zorrotzaurre 4.0 industriarako eta ekonomia digitalerako zerbitzu aurreratuen esparruan erreferentziazko ekosistema berritzaile gisa. Hala, Mondragon Unibertsitatearen prestakuntza-programez gain, networking-ekintzak garatzen dira bertan, gainera, espazioa ideien laborategi gisa ere erabiltzen da. Bilbao AS Fabrik 2021ean inauguratu zen.
ENPRESAK ETA START-UP-ak
Hirirako estrategikoak diren eta etorkizunean hiri-ingurunean hazten jarraitzeko ahalmena duten enpresa berritzaile gazteen egoitzak kokatzen diren gunea.
UNIBERTSITATEA
Gradu eta graduondoko ikasketak eskaintzeko espazioa, 800 ikasle baino gehiagorentzako edukierarekin.
LABORATEGIAK
Fabrikazio aurreraturako teknologia duten laborategiak (laser bidezko ebakigailuak, grabatuak, etab.) ), fabrikazio gehigarria (3D inprimagailuak), errealitate birtualeko eta areagotuko prototipoak egiteko eta datuak aztertzeko laborategia.
ERABILERA ANITZEKO ESPAZIOAK
Zure taldekako proiektuak garatu ahal izateko.
Zerbitzuak
Ikasketek iraunten duen bitartean, Humanitate eta Hezkuntza Zientzien Fakultateak hainbat zerbitzu eta azpiegitura eskainiko dizkuzu.
- Ikaskuntza-irakaskuntza zerbitzuak: ikasketak iraun bitartean eskura izango dituzun zerbitzu eta azpiegiturak:
- Zerbitzu akademikoak:
- Izen-ematea eta matrikula (matrikulan atzera egiteko inprimakia).
- Idazkaritza birtuala: Zure izapideak online egiteko.
- Beka-eskariak eta ikasteko laguntzak.
- Ziurtagiriak, espedienteak eta tituluen kudeaketa eta ematea (titulu ofiziala jasotzeko jarraibideak - PDF).
- Gradu eta Master Bukaerako Lanak kudeatu eta esleitzea.
- Nazio eta nazioarteko mugikortasun kudeaketa.
- Campus birtuala: E-learning plataforma bat zure ikasketak osatzeko.
- Orientazio zerbitzua.
- Biblioteka: Liburuak, aldizkariak, bideoak, ikasteko gelak.
- Zerbitzu akademikoak:
- Kirol Zerbitzua: Irteerak, Ikastaroak, lehiaketak eta kirol-instalazioetarako sarbidea.
- Jantokia: Bazkaltzeko edo atseden hartzeko toki bat.
- KoNet: Kontsultatu zure notak eta beste hainbat gauza zure mugikorrean.
- Arreta Psikologikorako Zerbitzua (APZ): Zerbitzu prebentiboa.
- Desgaitasunak dituzten pertsonentzat egokituriko espazioak: Laguntzaileak, ikasketen egokitzapena.
- TZT zerbitzua. Orientazio teknikoa, ekipo informatikoak kudeatzeko eta mantentzeko zerbitzua.
- Erreprografia zerbitzua.
Unibetsitateko zerbitzu guztiak
Bizi unibertsitatea!
Bai Mondragon Unibertsitatean, bai Humanitate eta Hezkuntza Zientzien Fakultateko campusean, kirolaz, kulturaz eta orobat aisialdiaz gozatzeko aukera zabala dago. Unibertsitatea, gainera, inguruarekin bat eginda dago, eta ikasleek gero eta jarduera gehiago antolatzen dituzte gizarte osoari begira: zinema-jaialdia, lehiaketak, orotariko jardunaldiak, lehiaketak, literatura-astea, etab..
Jarduera horiek guztiak hezkuntza-proiektuaren osagaiak dira, eta haien helburua gure ikasleen bizi-kalitatea hobetzea da.
