Orientagune IV jardunaldia
ORIENTAGUNE IV. JARDUNALDIA
2017-2018 IKASTURTEKO UNIBERTSITATERA SARRERA ETA ONARPENA
Urriaren 13 eta 14an Orientagune Jardunaldiaren laugarren edizioa antolatu dugu Bilbao Berrikuntza Faktorian eta Orona Ideon. Izan ere, aurten bi hizkuntzetan bi toki desberdinetan egitea nahi izan da, ahalik eta pertsona gehieni heltzeko. Jorratu den gaia “Mondragon Unibertsitateko Graduetarako Sarrera eta onarpena. 2017-2018 Ikasturtea” izan da. Egun bakoitzean 40-50 pertsona inguru gerturatu ziren, jarrera parte hartzailea erakutsi zuten eta pozik gelditu ziren entzundakoarekin.
Jon Altunak, Mondragon Unibertsitateko errektoreorde akademikoak, gidatu zuen jardunaldia eta bertan aurkeztu zen Mondragon Unibertsitateak proposatzen duen onarpen prozesua zein, funtsean, Batxilergo amaierako kalifikazioan oinarritutako da. Prozesu hau bost fasetan banatuta dago:
- Izen-ematea; non ikasleak gehienez bi titulaziotan eman dezake izena, lehen eta bigarren aukera adieraziz. Epe arrunta azaroaren 7tik maiatzak 31ra izango da.
- Froga espezifikoa: izena eman dutenei eginiko proba bereziak.
- Aurre-onarpena, ikasle profilaren egokitasuna adieraziko duen prozesua.
- Onarpena: ekaineko hirugarren astean, onarpen-notak kalkulatuko dira finkatutako onarpen irizpideen arabera eta plazen esleipenaren berri emango da.
- Matrikula, epe arrunta (ikasleak onarpena jaso ondoren hasiko da) eta apartekoa izango duena.
Sartzeko baldintzei, onarpenari eta onarpen-prozedurari buruzko informazio zehatzagoa hurrengo estekan aurkitu ahal izango duzue.
Bi jardunaldietako argazkiak gure Flickr-eko albumean aurkituko dituzu.
Jon Altunaren hitzaldi osoa ikusi nahi izanez gero hemen bideoa: